جدي
كم أتمنى يرجع الوقت عشان أقولك
كل يوم أني أحبك وأقدرك وأحترمك
بابا بلادي أنا أشوفك غير كل الناس
أفتخر فيك
أحس أنت الصح
كل الناس مفروض يكنون مثلك
جدي ما أصدق
اني لازم أقول الله يرحمك
لما أتذكرك
جدي
والله أحبك وإشتقت لك
ما تصدق قد أيش
لما أدخل بيتك تغص فيني الذكريات
أسمع صوتك بكل مكان
وجهك يا جدي
أنحفر بكل جدار
جدي
عندي لك ذكرى
بكل زواية
إشتقت لك
وإشتقت لكلامك
ومخك
إشتقت لما تطشني بالموية
إشتقت لما تقولي
يا صقيقتي
إشتقت انك تدافع عني
وتفشلهم كلهم
عشاني أنا
إشتقت إنك تقول يا مثقفتي الصغيرة
إشتقت أقرى الجرايد من بعدك
لما تأشري على المقالات الحلوة
تدري يا جدي
كنت مرات أتسلل وأقرى الجريدة قبلك
عشان أسوي فاهمه
وأبهرك
يالله كيف أحبك
يارب أشوفك بالجنة
يااااارب أشوفك بالجنة
الطفلة الي مازلت تسكنني كتبتها
No comments:
Post a Comment